Partizani e ka nisur mirë këtë sezon në Kategorinë Superiore, teksa aktualisht renditet në vendin e dytë. I ftuar në emisionin Sport Neës në Neës 24 është edhe ish-trajneri i të kuqve, Dritan Mehmeti. Mehmeti jep mendimin e tij për kryeqytetasit dhe rivalët e tyre, gjithashtu u përgjigjet edhe pyetjeve të ndryshme.
“Tirana- Ndryshon shumë vit pas viti. Ndoshta kjo vjen pasi kanë mentalitetin e duhur. Do ishte mirë të kishin një pikë referimi. Nëse do e kishte një të tillë, do ishte edhe më stabël.
Skuadrat shqiptare dhe grupi- Futbolli shqiptar vuan mungesën e grupit. Lojtarët që janë me personalitet duhet të kenë kontratë 3-4 vjeccare. Nuk duhet që menjëherë sapo e kërkon dikush, ta shesin lojtarin. Nëse arrin më pas ta shesësh një futbollist që ia vlen, atëherë ke bërë një arritje. Tirana doli kampion me 5 elementë cilësore dhe po has vështirësi për t’i zëvendësuar.
Partizani- Duhet të jetë i kujdesshëm trajneri i Partizanit dhe lojtarët. Unë e njoh filozofinë e kuqe. Ata e pranojnë lojën e bukur, por jo gjithmonë mund të marrësh rezultate. Duhet të kenë kujdes edhe me deklaratat. Trajneri i Partizanit ndoshta nuk e di çfarë klubi përfaqëson në Shqipëri (I referohet deklaratës së Kolellas: Shyqyr që zbritëm në vendin e dytë) – tha ai.
