Vedat Muriqi nuk ka të ndalur me Majorkën në Spanjë, duke gjetur sërish rrugën e rrjetës dhe duke dhënë një asist, në triumfin që skuadra e tij arriti përballë Vijarealit në transfertë.
Në minutën e 33’,skuadra e Majorkës ndërtoi një kundërsulm fantastik, me “Piratin” që ishte në vendin e duhur dhe kohën e duhur, për të finalizuar aksionin.
Në minutën e 76′, Muriqi uli bukur një top me kokë për Ndiaje, me këtë të fundit që realizoi një supergol.
Kjo është ndeshja e katërt radhazi në La Liga, që sulmuesi i përfaqësueses së Kosovës gjen rrjetën dhe i 7-i sezonal në elitën e futbollit spanjoll.
