Një aksident ka ndodhur mëngjesin e sotëm, në aksin rrugor Gjirokastër-Tepelenë në vendin e quajtur ‘Luzat’.
Burimet policore njoftojnë se dy makina janë përplasur me njëra-tjetren duke lënë dy të plagosur, të cilët janë dërguar në Spitalin Rajonal të Gjirokastrës.
NJOFITMI I POLICISË
Rreth orës 06:10, në aksin rrugor Tepelenë-Gjirokastër, në vendin e quajtur “Luzat”, automjeti tip “Dacia”, që drejtohej nga shtetasi K. Ç., është përplasur me automjetin tip “Seat”, me drejtues shtetasin H. S.
Për pasojë janë dëmtuar drejtuesi i automjetit tip “Dacia”, shtetasi K. Ç. dhe pasagjeri që ndodhej në automjetin tip “Seat”, shtetasi Xh. G. 19 vjeç, banues në Tepelenë, të cilët u transportuan në spitalin Rajonal Gjirokastër, për të marrë ndihmën mjekësore. Në vendngjarje ndodhet grupi hetimor dhe po punon për zbardhjen e shkaqeve të aksidentit.
