Është luajtur pasditen e sotme java e 6-të e Superligës në volejboll për meshkuj. Një javë pa surpriza, ku kanë fituar të gjitha skuadrat e kreut dhe ku shifrat 3-0 janë fiksuar në të gjitha sfidat.
Partizani kryesues mposhti pa shumë probleme Skënderbeun, ndeshje ku të kuqtë partën epërsi në të trija setet: 25-17, 2521, 25-22. Edhe pse loja e miqve erdhi në rritje, kryeyqetasit ishin superiorë në fushë.
E njëjta situatë edhe në fitoren e Erzenit ndaj Elbasani (25-17, 25-20, 25-18), një ndeshje në sens unik, ku shijakasit ishin gjithnjë në avantazh. Nuk zhgënjen as Vllaznia, që në Durrës mundi Teutën, duke synuar një vend në katërshe.
E lehtë edhe fitorja e Tiranës ndaj Studentit në derbin kryeqytetas, ku bardheblutë kampionë e kthyen sfidën në një stërvitore. Nga Studenti pritej më shumë, ndërkohë që Tirana e komandoi ndeshje dhe meritoi fitoren.
Superliga-Meshkuj, java e 6-të
Partizani – Skënderbeu, 3-0
Studenti – Tirana, 0-3
Teuta – Vllaznia, 0-3
Erzeni – Elbasani, 3-0
Renditja: Partizani 18 pikë, Tirana 15 pikë, Erzeni 14 pikë, Skënderbeu 10 pikë, Vllaznia 9 pikë, Studenti 4 pikë, Teuta 2 pikë, Elbasani 0 pikë.
