Kryeministri i ri britanik Rishi Sunak i ka kërkuar Sekretarit të tij të Brendshëm të nënshkruajë marrëveshjen më të madhe ndonjëherë me francezët për emigrantët e paligjshëm në bregdet, shkruan Daily Mail.
Marrëveshja, të cilën Mbretëria e Bashkuar shpreson ta nënshkruajë në javët e ardhshme, do të rrisë oficerët francezë që patrullojnë brigjet detare.
Kjo vjen pasi Suella Braverman paralajmëroi se shumë shqiptarë pretendojnë për azil ‘të rremë’ në Britani, pavarësisht se paguajnë mijëra për të mbërritur në tokën angleze.
“Shumë prej të ardhurve këtë vit kanë qenë nga Shqipëria, ndaj ne po punojmë ngushtë me qeverinë shqiptare për të inkurajuar kthimet dhe përpunimin e rasteve dhe largimeve sa më shpejt të jetë e mundur. Ky abuzim i sistemit tonë duhet të ndalet, ne duhet të sigurojmë që regjimi ynë i mundshëm për të trajtuar skllavërinë moderne fokusohet te viktimat e vërteta, jo te ata që përpiqen të anashkalojnë rregullat tona të imigracionit”- tha ministrja.
Në shkrimin e saj, ajo përbuz kritikët e saj dhe Partinë Laburiste për dështimin në gjetjen e zgjidhjeve për të trajtuar kalimet e rrezikshme me anije të vogla në Kanal.
“E vërteta është se populli britanik është i ngopur nga numri i varkave të vogla që arrijnë në brigjet tona. Disa kritikë japin vetëm sugjerime përrallash se si të trajtohet problemi. Mbretëria e Bashkuar duhet të bëjë çdo gjë të mundshme për kalimet e paligjshme dhe të vazhdojë të ndalojë kontrabandistët e njerëzve”, shtoi ministrja.
Kryeministri Rishi Sunak do të takojë presidentin francez Emmanuel Macron të hënën në samitin e klimës në Cop në Egjipt për të sqaruar detajet e marrëveshjes./Daily Mail
