Oficerët e Policisë Gjyqësore pranë Byrosë Kombëtare të Hetimit kanë hyrë në ambientet e “Ora News” mëngjesin e sotëm. Përfaqësues të policisë së Shtetit dhe të BKH-së ndodhen në ambientet e RTV Ora për të kryer ekzekutimin e vendimit të gjykatës, ndërsa administratori i shtetit Faraudin Arapi po mban një takim me drejtuesit e televizionit dhe përfaqësues të policisë dhe byrosë.
“Do bëjmë inventarin e pasurisë. OPGJ dhe BKH do dokumentojë me foto deri në zbardhjen e dokumentave. Do të vazhdojmë me grupin e specialistëve që të bëjmë inventarin derisa të shpallet vendimi përfundimtare ne ta mirëadministrojmë këtë pasuri. Nuk dua që askush të më largohet nga pozicioni i punës. Deri në fund do të jem pjesë e veprimtarisë që ka ky institucioni. Asnjë nuk duhet ta mendojë që “o ç’po ndodh?”, janë procedura që duhen kryer. Të qëndrojmë në krye të punës dhe të operojmë me këto shkallë të caktuara për të kryer inventarizimit që të keni kopje ju dhe ne si institucion. Unë them që do e kem mirëkuptimin tuaj për të vazhduar. Nuk do lejoj njëri që të ulet dhe të me diktojë. Do të vazhdoni siç jeni deri më tani. Unë edhe se kam patur mendime për të qëndruar më larg, por mendoj se do të jem pjesë e juaja. Ju mbështes dhe ju premtoj se do të jemi një dhe të pandarë. Nuk paragjykoj askënd. Nuk shpreh konsideratë apo vlerësim. Ju falenderoj që jeni pjesë, ju lutem më ndihmoni që ta kryejmë këtë procedurë që të kryejmë edhe procedurat e tjera. Faraudin Arapi: Nuk do të lejoj askënd që në këtë proces të diktojë në programacion etj. Vijoni sic jeni tani. I takon sektorit juridik të kryejë zbatimin e vendimit. Mendoj se duhet të jem pjesë e juaj. Ju mbështes dhe do jemi bashkë deri në përfundim të hetimit e gjykimit përfundimtar. Nuk dua të më dëmtohet asnjë vlerë. Askush të mos largohet nga pozicioni që ka. E konsideroj veten pjesë tuaj dhe do të vijoj të jemë pjesë e mirëadministrimit që ka ky institucion. Të gjithë bashkë me kolektivin tuaj i kemi mundësitë të qëndrojnë në krye të detyrës. Nuk mendoj që gazetarët do e marrin parasysh faktin që thoni ju që mos u trembni se shteti është me ju. Nuk kam asgjë kundër jush,”-është bërë me dije ndër të tjera nga administratori Faraudin Arapi.
Ndërkohë që është marrë në pyetje nga drejtori i Informacionit në RTV Ora, Brahim Shima, i cili ka kërkuar pavarësi lidhur me anën editoriale që ndjekin dhe asnjë ndikim nga ana e administratorit në kronikat e lajmeve dhe tematikat që ata drejtojnë.
Brahim Shima: Do kemi ndikim nga ana editoriale?
Administratori: Absolutisht jo!
Brahim Shima: Pyetja është sa nga gazetarët do të jenë të lirë që ta bëjnë punën siç është bërë deri më sot. Shteti deri më sot për këtë media nuk ka bërë asgjë vetëm ka shantazhuar. Gazetarët nuk kanë qenë të qetë në këto dy vite. Shantazhi ka vijuar deri më sot. Por të mos gënjejmë veten. Situata e gazetarëve është e vështirë. Nuk punon vetëm për kontratë. Kontrata e punës është e fundit që mendojnë. Për dy vjet na është dashur shumë mund të marrim reklamat. Kompanitë janë të trembura, u bëhet presion të mos sjellin reklama.
Administratori: Nuk kam ndërmend që t’ju ndërhyj, por as edhe t’ju pengoj. Do vazhdoni punën me të njëjtën kërkesë si deri më tani. Nëse iu pengon dikush tjetër do të më keni si mburojën tuaj që nuk do të lejoj ndërhyrjen në punën tuaj. Edhe kur të marrë vendimi një formë të prerë do të flasim sërish. Ju garantoj që askush të mos ndërhyjë tek liria e medias dhe garancia e kontratave me reklamat.
Brahim Shima: Shteti deri më sot për këtë media nuk ka bërë asgjë vetëm ka shantazhuar.
