Një aksident i rëndë ka ndodhur në Devoll.
Sipas njoftimit të policisë, pasditen e sotme shoferi i një automjeti tip “Benz” ka humbur kontrollin dhe për pasojë ka aksidentuar një fëmijë 13-vjeçar në fshatin Qytezë të Devollit.
Menjëherë i plagosuri është nisur me urgjencë në spitalin e Korçës dhe ndodhet nën kujdesin e mjekësve.
“Më datë 04.11.2022, rreth orës 15:05, në fshatin Qytezë, Devoll, shtetasi T. D., duke drejtuar mjetin tip “Benz”, ka aksidentuar një 13-vjeçar, këmbësor në rrugë, i cili u dërgua në spitalin e Korçës dhe ndodhet nën kujdesin e mjekëve. Drejtuesi i automjetit, shtetasi T. D., është shoqëruar për veprime të mëtejshme procedurale”, njofton policia.
Grupi hetimor po punon për përcaktimin e shkaqeve të aksidentit.
