45-vjeçari shqiptar Spartak Dyrmishi akuzohet në Greqi për përdhunime dhe sulme seksuale.
Së fundmi janë zbuluar edhe disa detaje të reja nga e shkuara e tij. Pas arrestimit, viktima të tjera kanë denoncuar sulmet e tij.
Një 67-vjeçareje e ka denoncuar Dyrmishin dhe dekalroi se sulmi ka ndodhur në muajin gusht të vitit 2021, ku shqiptari e kishte ndjekur nga pas në shtëpinë e saj në Lutraki. Ajo ka treguar se arriti ta njihte pas publikimit të fotos së tij në internet, duke marrë dhe guximin ta denonconte.
“Pashë foton në faqe dhe fillimisht njoha llojin e trupit të tij. Më pas ia njoha kokën. Ka një kokë shumë të veçantë. Nuk e mbaj mend tatuazhin në krahun tim. Ishte ora 6 e mëngjesit kur më sulmoi dhe nuk e mbajta dot atë detaj”, tha 67-vjeçarja.
Ajo ka treguar se i ka shpëtuar sulmit të tij, pasi arriti të hapte me shpejtësi derën e shtëpisë dhe të futej brenda, ndërsa ai vazhdoi të kryente akte të turpshme përpara se të zhdukej.
“Më kujtohet ajo që kalova atë mëngjes dhe po përpiqem ta harroj. Nuk e di se çfarë do të kishte bërë nëse nuk do të kthehesha në kohë në shtëpi”, theksoi 67-vjeçarja.
