Ministri i Jashtëm i Turqise, Mehmet Cavushuglu konfirmoi se mbyllja e kolegjit dhe kopshtit turk në Shqipëri është bërë me kërkesë të Presidentit Erdogan.
Gjatë një konference të përbashkët për shtyp me ministren Olta Xhacka, Cavushoglu shprehu vlerësimet ndaj Shqipërisë për këtë vendim, ndërsa i bëri thirrje të vazhdojë luftën kundër Fetos.
“Ka disa zhvillime në lidhje me shkollat e FETO-s. Por këtë ne ia themi gjithmonë Shqipërisë vëllazërore. FETO nuk është vetëm një kërcënim për ne, është një kërcënim për çdo vend ku ndodhet. Çdo shtet është gjithashtu një inteligjencë, një vend tjetër i tretë e përdor këtë FETO, e përdor kundër nesh, e përdor kundër Shqipërisë. Ndërsa ju po luftoni kundër FETO-s, cilido shtet që ju ndërhyn apo ju sugjeron, dijeni se edhe ai vend është me FETO dhe kundër jush”, tha ai nga Ankaraja.
Çavushoglu shtoi presionin ndaj homologes së tij shqiptare, Olta Xhaçka, për të ekstraduar të ashtuquajturit gylenistë, duke i dorëzuar asaj një listë të re.
“Sot, ne ndamë informacionin e nevojshëm në lidhje me ekstradimin e disa njerëzve [gylenistëve] në Turqi”, tha ai.
Në 22 shtator të këtij viti, qeveria mbylli me VKM kolegjin turk “Mehmet Akif” dhe kopshtin për fëmijë “Zübeyde Hanım”, pjesë e “Turgut Ozal Education”, ç’ka nxiti protesta në radhët e prindërve dhe nxënësve të këtyre institucioneve.
