Këto dy vitet do të jenë të vështira sa i takon situatës energjetike në vend. Kjo u konfirmua nga ish-ministrja e Financave Anila Denaj. Duke e vënë theksin te situata e pazakontë klimatike, ajo nënvizoi domosdoshmërinë e burimeve të reja të energjisë.
“Jemi në nëntor dhe nuk është situatë normale e motit. Buxheti i shtetit ka mbështetur me 270 milionë dollarë rritjen e energjisë, duke mos rritur çmimin dhe koston e ka mbajtur buxheti i shtetit. Për vitin që vjen është parashikuar 120 mln dollarë. Por nëse situata do të jetë e tillë, do rishikojmë shifrat dhe vendimet. Është e pazakontë kjo situatë klimatike që po ndodh. Diversifikimi i energjisë nga burime të tjera është domosdoshmëri. Kemi filluar prej 2-3 vjetësh me kontrata konkrete. Të paktën t’ia dalim pas dy tre vjetësh, por këto dy vite do të jenë të vështira”, tha Denaj në studion e Debatit në A2 CNN.
Sa u përket kritikave të ndërkombëtarëve në lidhe me amnistinë fiskale, Denaj theksoi se ato janë ende në proces diskutimi, ndërsa informalitetin e cilësoi një plagë që duhet adresohet njëherë e mirë.
“Çështjet teknike dhe adresimet e ndërkombëtare janë ende në proces, por parimi i amnistisë është një parim që bën shkëputje nga ky 30-vjeçar ku informaliteti për biznese dhe individë me të ardhura nga burime jo të dyshimta është aty dhe duhet të adresohet. Informaliteti është një plagë që duhet të adresohet”.
Duke folur për projektbuxhetin 2023, Denaj e vuri theksin edhe te taksimi i profesioneve të lira, që sipas saj që nga 2013-a ka munguar në buxhetin e shtetit.
“Buxhetit të shtetit që nga 2013 i mungonin 2 miliardë lekë çdo vit dhe ky 2 mld lekësh për një taksim të drejtë të profesioneve të lira vjen këtë herë i implementuar dhe nuk është për individët me të ardhura të mesme, por ka munguar dhe do të zbatohet korrekt”.
Borxhi në projekt buxhetin 2023 vjen i reduktuar, tha Denaj ndërsa sugjeroi se kontrollet me inteligjente dhe largimi i inspektorëve nga terreni do të rrisin të ardhurat në buxhet.
“Problem i vërtetë mbetet informaliteti dhe si të plotësohet ajo e ardhur e nevojshme. Ka nevojë të rritet ndërgjegjësimi por edhe të gjitha ata që evadojnë një dënim për dëmin me gjoba të konsiderueshme. Në këtë paketë ka vetëm për ata që evadojnë vetëm me pagat e punonjësve. Te pagat jo vetëm që po pengon të marrë të ardhura por penalizon edhe individin për të marrë një pension të mjaftueshëm. Gjobat në këtë paketë fiskale janë më të ashpërsuara. Kontrolle me inteligjente dhe largimi i inspektorëve nga terreni do të rrisin të ardhurat ën buxhet dhe do të shoqërohen me gjoba të shtuara edhe për ata që krijojnë informalitet dhe nuk e kuptojnë që fiskalizimi është mbyllja e një epoke ku të dhënat me administratën tatimore do të jenë të plota dhe në kohë reale”.
