Sekretar i Përgjithshëm i Partisë së Lirisë, Tedi Blushi me anë të një postimi në FB, deklaron se Shqipëria po degradon përditë në një regjim hajdut dhe shtypës.
Blushi shkruan se teksa në Vlorë arrestohet 64-vjeçari për llamarina pa leje, në Tiranë falen oligarkët për pallate e kulla pa leje.
“Në Vlorë arrestohet 64-vjeçari për llamarina pa leje (çati me teneqe), në Tiranë falen oligarkët për kate, pallate dhe kulla pa leje. Ky është standardi i dyfishtë dhe modeli qeverisës shtypës i Edi Ramës: Ndëshkim, arrestim dhe burg për më të dobëtit. Favorizim, legalizim dhe liri për më të pasurit! Ky shtet që po degradon përditë në një regjim hajdut dhe shtypës do të shembet përpara vullnetit të qytetarëve të lirë”, shkruan Blushi.
Për këtë ngjarje Boldnews.al ka raportuar se në 17 Tetor të këtij viti, 65-vjeçari Sazan D., po mbulonte me llamarina e teneqe, tarracën e një ndërtesë një-katëshe, në tokën e fituar prej tij nga ligji 7501, në zonën e Orikumit.
Por, inspektorët ndërtimorë të Bashkisë nuk e lejuan 65-vjeçarin që të vazhdonte punën duke i thënë se ndërtimi është pa leje dhe e prangosën.
64-vjeçari deklaroi para oficerëve të Policisë Gjyqësore se “ndërtimin po e bënte në tokën e tij, të cilën deklaron se e ka me çertifikatë pronësie sipas ligjit Nr. 7501, datë 19.07.1991 “Për tokën”.
Ai ka shpjeguar se atë pjesë e ka patur të mbuluar me llamarina dhe nuk ka menduar që i duhej leje nga organet kompetente për ta ndërtuar me blloqe”.
Mirëpo në të njëjtën ditë, kur Edi Rama duke drejtuar Këshillin e Rregullimit të Territorit po merrte vendime për konfiskimin e kateve pa leje në 8 objekte të larta në qendër të Tiranës, emri i Pëllumb Salillari nuk ishte në listë dhe asnjë prej atyre nuk u prangos.
Mbase në Tiranë policët nuk janë aq efikasë si në Orikum të Vlorës.
