Media prestigjoze britanike, The Sun shkruan se “Vladimir Putin është i sëmurë me Parkinson në fazë të hershme dhe kancer në pankreas”, sipas dokumenteve të zbuluara të spiunazhit.
Thashethemet për sëmundjet e Putinit po qarkullojnë për muaj të tërë në media dhe ai është shfaqur vazhdimisht duke u dridhur dhe duke u shfaqur i paqëndrueshëm në publik.
Pretendimet kanë qarkulluar në mesin e figurave të opozitës ruse, të nxitura edhe nga mungesat e tij të pashpjegueshme dhe daljet e tij publike që janë shoqëruar me disa ‘lëkundje ‘ të Putinit, se ai po përballet me probleme serioze shëndetësore, por këto pretendime janë hedhur poshtë nga Kremlini në çdo rast.
Këto thashetheme kanë ndezur shpresën në Ukrainë dhe Perëndim që lideri rus mund të heqë dorë nga pushteti së shpejti.
Disa emaile nga një burim i inteligjencës ruse konfirmojnë se udhëheqësi 70-vjeçar është diagnostikuar me kancer në pankreas dhe Parkinson, sipas raportimit të The Sun.
Në dokumentet e zbuluara supozohet se shkruhej: ‘Mund të konfirmoj se ai është diagnostikuar me sëmundjen e Parkinsonit në fazën e hershme, por ajo tashmë po përparon. Ky fakt do të mohohet në çdo mënyrë dhe do të fshihet nga Kremlini”.
