Një aksident me pasojë vdekjen e një personi është regjistruar në orët e para të ditës së sotme, 00:05 në fshatin Talinovc të Muhaxherëve në Ferizaj.
Një automjet që po drejtohej nga personi me inicialet B.G., 44-vjeç ka përplasur për vdekje këmbësorin me inicialet N.O., 64-vjeç.
Sipas policisë, aksidenti dyshohet të ketë ardhur si shkak i shpejtësisë së lartë dhe kushteve jo të mira të rrugës. Zëdhënësi i policisë rajonale të Ferizajt, Kanun Veseli tha se mjeku kujdestar ka konstatuar se këmbësori ka vdekur.
“Njësia e Hetimeve të Aksidenteve e Komunikacionit Rrugor ka dalë në vendin e ngjarjes dhe nën autorizim të Prokurorit kujdestar nga Prokuroria Themelore e Ferizajt i ka nisur hetimet”, tha Veseli. Me vendim të prokurorit, trupi i pajetë është dërguar në Institutin e Mjekësisë Ligjore, ndërsa shoferi i automjetit është arrestuar.
