Edi Reja po kalon ditët e tij të fundit si trajner i Kombëtares shqiptare të futbollit dhe miqësorja me Katarin më 9 nëntor mund të jetë edhe sfida e tij e fundit me kuqezinjtë pasi kontrata përfundon dhe duket se zërat për një zëvendësues po shtohen.
Kjo edhe sepse në Itali e bëjnë fakt të kryer se në stolin e kombëtares kuqezi do të ulet Gigi Di Biago.
Sipas prestigjiozes SportItalia lajmi është ekskluziv dhe i sigurtë. Në artikullin e tyre nënvizohet se tekniku pritet të mbyllë marrëveshjen shumë shpejt me Federatën Shqiptare të Futbollit për të marrë zyrtarisht stafetën.
Ish-tekniku i Italisë U-21 kishte marrë një ofertë nga Cosenza, por duket se ka preferuar aventurën shqiptare.
Esclusiva ‼️
Di Biagio vicino alla panchina della nazionale albanese✍🏻
L’ ex tecnico dell’ U21 affronterebbe la Nazionale maggiore di Roberto Mancini il prossimo 16 novembre a Tirana#sportitalia #albania #nazionale pic.twitter.com/0N6yb5zGUG
— Sportitalia (@tvdellosport) November 1, 2022
Sipas Sportitalia-s, kontaktet mes trajnerin italian dhe drejtuesve të FSHF vazhdojnë prej javësh, dhe tani kanë gjetur gjuhën e përbashkët sa i përket aspektit financiar.
Në këtë pikë, mbetet vetëm të presim zhvillime të mëtejshme dhe çdo komunikim zyrtar nga personat e përfshirë.
Di Biagio e nisi aventurën si trajner me Italinë U-21 në mars të vitit 2018 dhe përfundoi mbas një viti.
Aventura e fundit e Di Biagio-s në krye të një skuadre ishte ajo me Spal e cila përfundoi në vitin 2020.
