Kryeminsitri Edi Rama mbrojti këtë të Hënë policinë, që akuzohet për vrasjen e të riut Lear Kurti.
Gjatë një takimi në Ersekë, Rama tha: “për çfarë shqyhet një kufomë duke thënë: e vrau policia, e vrau shteti? Për ti ngritur njerëzit kundër shtetit. Për ti nxitur njerëzit kundër vetvetes. Për të bërë shërbimin e atyre të rublave”.
Lear Kurti humbi jetën pas shoqërimit nga policia në kryeqytet disa javë më pare.
Prindësit e tij kanë akuzuar policinë se e ka dhunuar.
Ndërkohë, një shok i viktimës, i cili ishte me të kur u kap nga policia, tregoi se u dhunua nga efektivët me uniformë.
