Një aksident tragjik është shënuar mbrëmjen e djeshme përgjatë Via Emilia drejt Parmës, Itali. Një makinë tip Fiat Stilo, me të cilën udhëtonin 5 shqiptarë, u përplas me një shtëpi të pabanuar në rrugën numër 52 në via Neeton.
Katër persona, një vajzë 22-vjeçare dhe tre fëmijë të moshës 2, 8 dhe 12-vjeç kanë vdekur menjëherë, ndërsa një burrë është shtruar në spital në gjendje shumë të rëndë shëndetësore. Sipas informacioneve fillestare, vajza 22-vjeçare është nëna e fëmijës 2-vjeçar ndërsa i plagosuri është partneri i gruas dhe babai i fëmijës 2-vjeçar. Dy fëmijët e tjerë të moshës 8 dhe 12 vjeç, nuk ishin fëmijët e tyre, por dyshohet se të afërm.
Autoritetet italiane po punojnë për zbardhjen e rrethanave të akisentit tragjik.
