Deputeti demokrat, Ervin Salianji, në seancën e sotme në Kuvend, tha se reforma territoriale është bërë në mënyrë të njëanshme.
Salianji tha se bashkitë keqpërdoren për të punësuar patronazhistë dhe për të kërcënuar njerëz me ndihmë ekonomike për interesa politike.
Salianji: “Reforma është bërë në mënyrë të njëanshme. Sot është dita që kryeministri duhet të ishte. Duhet të ishte për Halloëen sepse është gogoli që ka larguar 700 mijë shqiptarë duhet të ishte sot për të larguar shpirtrat e këqij. Kryeministri merret me mediat , sulmon mediat kur i përmendin varfërinë , krimin , papunësinë. Padiskutim që këshu do të ishte për një kryeministër që shumicën e kohës rri në avion. Kur flasim për perfomancën e bashkive që të gjitha bashkë nuk kanë 22 mln dollarë sa shpenzon Rama me avionin e vet personal. Ekspertët e PS kanë thënë që rritja e taksave të në nivelin 217 % , por aq dobët është që një pjesë e madhe e bashkive janë drejt falimentit. E vetmja arritje është që kanë arritur ti marrin shpirtin njerëzve. Si e keni bërë ndarjen, e thoni ndahet me copëza e keni ndarë pushtetin me njerëz që i keni me rekorde kriminale, përdhunues. Dilni e thoni kemi dhënë zgjidhje, por cila është zgjidhja. Asnjë investim në fshatin më të madh të zonës, në asnjë prej fshatrave, bashkinë e Korçës, po ku i vjen radha fshatrave të marrin shërbim kur Korça vetë është e ndarë me thikë, diskriminim masiv, lagjet kryesore më të populluara të lëna për shkak të diskriminimit. Do t’ju marrë para populli se e keni barë baltë”.
