“Nuk merrem fare me drejtësinë, është Edi Rama. Nuk kam asnjë sinjal, kam punë me Edi Ramën.”
Kështu u shpreh kryetari i Partisë Demokratike, Sali Berisha në lidhje me çështjen në gjykatë të logos dhe vulës së kësaj force politike.
Berisha thotë se pas kësaj qëndron kryeministri Edi Rama, i cili sipas tij, kërkon të zhdukë opozitën.
“Nuk merrem fare me drejtësinë, është Edi Rama. Nuk kam asnjë sinjal, kam punë me Edi Ramën. Ajo është një çështje krejtësisht e veçantë dhe është absolutisht është një betejë. Nuk mund ta konfiskojë logon ai. Është kriminel, ai do të zhdukë opozitën duke konfiskuar logon. Si mund të bëhet kjo? A do mbrohet pluralizmi këtu apo jo? Edi Rama mund të bëjë çfarë të dojë, por ne nuk i nënshtrohemi kurrë. Logoja e PD-së, me vendim gjykate është e jona. Nuk ka një vendim tjetër që e hedh poshtë”, theksoi ai.
