Robert Lewandowski është i lumtur te Barcelona. Ai shprehet i kënaqur dhe krenar me vendimin për të nënshkruar me Barçën, e cila sipas tij po e paguan shtrenjtë, me eliminimin nga Champions League, procesin e ndërtimit dhe rinovimit. Bomberi polak, i cili është një nga ata që do ta bëjë pushim në ndeshjen kundër Viktoria Plzen, është treguar i sinqertë në një intervistë për “La Vanguardia”.
Vendimi – “Unë jam në klubin që dua dhe kur ndihesh rehat e i lumtur, gjithçka është më e lehtë. Jam në ekipin ku kam ëndërruar të jem, ndihem krenar për këtë”.
Ecuria – “Ne po evoluojmë. Nuk e prisja të përshtatesha kaq shpejt dhe gjithçka të shkojë mirë qysh në sezonin e parë. Insistoj se është një proces që kërkon kohë dhe durim”.
Eliminimi në Champions – “Barça duhej të ishte në 1/8 finale. Duhej të përballeshim me disa situata me më shumë inteligjencë. Në futboll ndonjëherë duhet të dish të fitosh dhe jo të luash për të fituar, kjo është ajo që na ka ndodhur. Sidoqoftë, ne jemi më të fortë për të ardhmen. Para se të vija në Barcelonë, tashmë isha i vetëdijshëm se sezoni i parë mund të ishte më i vështirë. Jemi në një proces rindërtimi që kërkon kohë, duhet të jemi më të duruar”.
Procesi – “Me gjithçka që ka vuajtur Barça në vitet e fundit, nuk mund të presësh që gjithçka të ndryshojë brenda një muaji. Duhet kohë dhe me siguri do të përmirësohemi. Ju siguroj se Barcelona do të jetë përsëri më e mira”.
