Gjykata e Permetit ka dhënë këtë të hënë masën e arrestit në shtëpi në ngarkim të 48-vjeçarit Klement Ndina.
Ky shtetas tre dite me parë rrahu me leva dhe mjete të forta Konstandin Xhallon 35-vjeç nga Permeti së bashku me të atin e tij.
35-vjeçari ndodhet ende i shtruar në Spitalin e Traumes në Tiranë në gjendje kritike.
Mësohet se prokurori i Përmetit Asllan Bajrami kishte kërkuar në seancën e sotme masën e arrestit ‘Burg Pa Afat’ për 48-vjeçarin por gjyqtarja Yrvete Shkreli vendosi masën e arrestit në kushte shtëpie.
Tre ditë më parë Klement Ndina përveçse rrahu për vdekje Konstandin Xhallon dhe dy të tjerë, keqtrajtoi edhe trupën policore, por kjo rrethanë nuk u mor në konsideratë nga gjyqtarja Shkreli.
