Detaje të reja kanë dalë në dritë në lidhje me vrasjen e 39-vjeçarit Briken Sanaj.
Ngjarja ndodhi në “Kodrat e Diellit”, Tiranë, ku 39-vjeçari është ekzekutuar sapo ka zbritur nga makina e vëllait të tij me të cilën kishte ardhur nga Lezha.
Në media raportohet se pista kryesore e hetimeve të deritanishme është hasmëria. Grupi hetimor ka dyshime se autorët mund të kenë ngatërruar edhe objektiv pasi 39-vjeçari po udhëtonte me makinën e vëllait.
39-vjeçari është vëzhguar nga autorët prej ditësh duke pasur të qartë edhe itinerarin dhe lëvizjet me makinën tip “Audi” që përdorej nga 39-vjeçari.
Ka dyshime se vrasja është kryer nga vrasës me pagesë dhe kanë qenë 3 autorë që kanë marrë pjesë në atentat. Një person ka kryer ekzekutimin pak metra larg banesës së 39-vjeçarit, ndërsa personi tjetër e priste pak metra poshtë vendit të ngjarjes në rrugën kryesore jashtë rezidencës së “Kodrës së Diellit” me një mjet tip “Benz”. Pak minuta pas atentatit ky mjet tip “Benz” me targa të vjedhura është gjetur i djegur në Qafë-Kashar. Këtu dy autorët priteshin nga një person tjetër me një automjet tjetër me të cilin janë larguar.
