Komisioni Qendror i Zgjedhjeve i është drejtuar me në shkresë Ministrisë së Brendshme mbi ndarjen e qendrave të votimit për zgjedhjet lokale të 14 majit 2023.
Sipas institucionit që organizon dhe menaxhon zhvillimin e zgjedhjeve, persona që banojnë në të njëjtën shtëpi, si për shembull burrë e grua, votojnë në qendra të ndryshme votimi. Ndaj, kërkohet që gjatë hartimit të listës së zgjedhësve, të shtohet dhe kriteri që qytetarët që kanë të njëjtin kod vendbanimi, të mos ndahen në qendra të ndryshme.
Sipas shkresës, në listën e zgjedhësve ku ka mbi 1000 zgjedhës në zonën e qendrës së votimit, të shtohet kriteri që zgjedhësit me të njëjtin kod vendbanimi nuk mund të ndahen në lista të ndryshme.
Sipas KQZ, numri zgjedhësve që duhet të lëvizin nga një qendër votimi në tjetrën, për shkak të këtij ndryshimi, ne rang vendi shkon në 15 % të të gjithë zgjedhësve. Në kryeqytet, sipas KQZ, kjo shifër arrin në 30.8 %.
