Një skenë e paprecedentë është kapur nga kamera gjatë transmetimit live në televizionin ekuadorian “TeleAmazonas”, ku gazetarja Vanesa Robles është sulmuar.
Gjithçka ndodhi teksa gazetarja ishte në lidhje direkte nga ‘Monumental Isidro Romero Carbo’, stadiumi ekuadorian në Guayaquil që do të presë finalen e Copa Libertadores mes Flamengos dhe Athletico Paranaense.
Teksa ajo po fliste për masat e sigurisë, dy persona me motor dhe kaska të zeza iu afruan gazetares në mënyrë kërcënuese dhe tentuan ta grabisin.
Në videon e cila shumë shpejt u bë virale në rrjetet sociale, reporterja nuk e humb qetësin e saj dhe i drejtohet dy grabitësve me fjalët: “O mik, jemi live. Do të më grabitësh teksa jemi live?”.
▶️ DE NO CREER | 😱
🔫 Intentan asaltar a periodista en vivo y en directo.
🎙️ Vanessa Robles estaba afuera del Estado Monumental cuando hablaba de la seguridad con miras a la final de la Copa Libertadores cuando fue increpada por dos hombres en motocicleta. pic.twitter.com/VpcsCjQVc6
— DELPY 📱🎬 (@delpynews) October 25, 2022
Duke e kuptuar këtë, kriminelët u larguan. Kur dy hajdutët u arratisën, Vanesa Robles pa një polic dhe i shpjegoi se çfarë ndodhi.
Drejtori i televizonit ekuadorian, nga ana tjetër, ka shkuar menjëherë në stadiumin ku ka ndodhur gjithçka për të konstatuar gjendjen e gazetares. Vetë Robles më pas rrëfeu se banorët e zonës e kishin paralajmëruar të ishte e kujdesshme.
