“Çdo sulm ndaj infrastrukturës amerikane do të përballet me një përgjigje”-paralajmëroi Shtëpia e Bardhë , pasi një zyrtar i lartë i Ministrisë së Jashtme ruse tha se satelitët komercialë perëndimorë mund të jenë objektiv i Rusisë nëse përfshihen në luftën e Ukrainës.
John Kirby, një zëdhënës i Shtëpisë së Bardhë, u tha gazetarëve se ka prova, të cilat tregojnë se rusët po kërkojnë të zhvillojnë teknologji anti-satelitore.
Shtetet e Bashkuara mbështesin fuqimisht përpjekjet e OKB-së për të siguruar rinovimin e marrëveshjes për eksportet e drithërave përmes Detit të Zi, tha John Kirby, duke theksuar se kjo do të ndihmonte në uljen e çmimeve të ushqimeve.
Zëdhënësi i Shtëpisë së Bardhë argumentoi se çdo përpjekje e Rusisë për të prishur këtë marrëveshje, do të ketë përgjigjie.
