Një shtetas me origjinë shqiptare është ndaluar pasi akuzohet se ka vrarë me pistoletë një 45 vjeçar maroken. Vrasja është shënuar të dielën e kaluar, 24 tetor 2022 në një bar në Cornaredo të Milanos.
Sipas hetimeve, viktima, Abderrahimi Elkharmoudi, më përpara kishte pasur një konflikt me një grua e cila mendohet që kishte lidhje me shqiptarin e ndaluar, shkruan media italiane por pa përmendur identitetin e tij.
Viktima është goditur me dy plumba nga një pistoletë e kalibrit të vogël.
Shqiptari nuk ka pranuar të flasë por policia thotë se ai është identifikuar nga kamerat e sigurisë. Prokuroria pritet të kërkojë masën e sigurisë arrest me burg ndaj shqiptarit.
Krimi u shënua në mesnatë dhe policia ishte njoftuar nga banorët e zonës të cilët kishin dëgjuar të shtëna me armë. Elkharmoudi u gjet në makinë me plagë në gjoks dhe në gjëndje të rëndë. 45 vjeçari humbi jetën në spital pak pasi kishte mbërritur atje.
