Daljen nga selia e Partisë Demokratike dy ditë më parë kreu i Partisë së Lirisë, Ilir Meta e shoqëroi me një deklaratë të fortë ku tha se i kishte propozuar Sali Berishës, emrin e një “super politikani” për kryetar të Këshillit Bashkiak të Tiranës, në rast se koalicioni i tyre fiton zgjedhjet lokale 2023.
Shumë u aludua në media se ky “politikan rrace” që do të drejtojë sipas Metës çdo të hënë “Parlamentin” e Tiranës është vetë kreu i PL, por ai i ka hedhur poshtë këto zëra në emisionin “Opinion”.
Meta tha sot në mbrëmje se nuk ka patur propozim në takimin e sotëm me Berishën për kryetar të këshillit bashkiak në Tiranë, por se “superpolitikanin” që deklaroi dje, qytetarët do e njohin në zgjedhje.
“Nuk është bërë një propozim, është diskutuar për rëndësinë e këshillave bashkiake dhe si pjesë e marrëveshjes të fusim risi të seancave transparente dhe live. Superpolitikani do e shikoni do të jetë një që do e shikoni. Unë vetë kam plane kombëtare”, tha Meta.
“Ju nuk do të jeni?”, ishte pyetja që Fevziu i drejtoi Metës dhe ai ia ktheu duke thënë: “Normal!”.
