Deputetja e Partisë së Lirisë, Monika Kryemadhi ka folur për mediat pas daljes nga SPAK. Kryemadhi ka thënë se është thirrur si një nga kallëzueset kryesore të Inceneratorit të Elbasanit.
“Sot jam thirrur si një nga kallëzueset kryesore të Inceneratorit të Elbasanit për të vazhduar dhe verifikuar dokumentacion dhe për të shtuar prova të tjera”, shprehet Kryemadhi.
Ish-kryetarja e LSI është shprehur se kjo nuk është çështja e një individi por çështja e sistemit që ka funksionuar në grabitjen e qytetarëve shqiptarë.
“Gjeja më e rëndësishme është që një nga arsyet kryesore në të cilat ky proces, i verifikimit të dosjeve të inceneratorëve, nuk është thjeshtë çështja e një individi por sistemit që ka funksionuar në administrim dhe grabitjen e parave. Sot prova për mashtrim dhe vjedhje parash me inceneratorin e Elbasan”, përfundon deputetja e PL-së.
Ndërkohë, pak javë më parë, Gjykata e Posaçme liroi nga qelia Alqi Bllakon, duke i zbutuar në “arrest shtëpie” masën e sigurisë.
