Grupi i hakerave iranianë “Homeland Justice”, të cilët janë përgjegjës për kryerjen e sulmit kibernetik që “hodhi në tokë” sistemet më të rëndësishme elktronike të shtetit shqiptar si e-Albania, TIMS dhe MEMEX, ka zbuluar sot materiale konfidenciale mbi kryeministrin Edi Rama.
Në një dokument prej 66 faqesh të publikuar në formatin pdf në llogarinë e tyre në Telegram, hakerat iranianë zbulojnë të gjitha hyrjet dhe daljet nga kufiri i Shqipërisë, që Rama ka kryer prej 1 Gushtit të vitit 2005 e deri në 5 tetor të vitit aktual.
“HomeLand Justice: Zoti kryeministër, a u keni thënë njerëzve tuaj se taksat që paguajnë shpenzohen për strehimin e terroristëve të MEK në Durrës? A u jepet njëlloj shqiptarëve tokë, strehim, ushqim dhe karburant falas?”, është mesazhi që hakerat kanë për kreun e qeverisë shqiptare.
Në regjistrin që HomelandJustice disponon, rezulton se Edi Rama ka kryer shumicën e hyrjeve dhe daljeve nga aeroporti i Rinasit.
Ajo ç’ka bie në sy është fakti se prej kohës kur u zgjodh kryeministër i Shqipërisë, në vitin 2013, ai braktisur linjat komerciale të fluturimit dhe ka zgjedhur në mbi 90% të arsteve të fluturojë me avion Charter jashtë vendit.
Kjo zgjedhje e Ramës justifikon edh akuzat e opozitës për shefin e qeverisë, ku artikulohet se ai shpenzon shuma marramendëse nga buxheti i shtetit për fluturime.
Në tetor 2017, ish-kryeministri Sali Berisha e akuzonte Ramën se ai kishte shpenzuar për 132 fluturime jashtë vendit me çarter privat, shumën marramendëse prej 1.4 milionë dollarë.
“Noriega në Shqipëri, këto katër vite ka fluturuar me charter privat 132 here jashtë shteti, duke shpenzuar 1.394.000 dollarë. Kaq nuk shpenzonte as Noriega i narko-republikës së Panamasë”, shkruante Berisha në Facebook asokohe.
