Sekretari i Përgjithshëm i Partisë së Lirisë, Tedi Blushi ka ndarë disa pamje që vijnë nga zemra e Tiranës, teksa duken qartë koshat e plehrave të tejmbushur dhe një pirg i madh mbeturiansh që ka ‘zbarkuar’ deri në trotuar.
Teksa poston videon në Facebook, Blushi ndër të tjera shkruan se kjo situatë skandaloze ndodhet tek Mozaiku i Tiranës, të vetmit monument arkeologjik brenda qytetit.
Reagimi i plotë i Tedi Blushit:
“Kjo është Tirana e vërtetë brenda lagjeve. Më keq se landfill.
Situata skandaloze me mbetjet urbane është pikërisht pranë Mozaikut të Tiranës, të vetmit monument arkeologjik brenda qytetit.
Me largimin e Erion Veliaj, Tirana jo vetëm do të marrë frymë lirisht por do të pastrohet përfundimisht nga plehrat!”
