Një 34-vjeçare raportohet të jetë përdhunuar teksa po priste autobusin, në Greqi.
Sipas informacioneve të protothema.gr, autori e ka parë gruan duke pritur e vetme, i është afruar dhe e ka kërcënuar me thikë, duke e çuar në një park aty pranë.
Mësohet se pas aktit të përdhunimit, burri i ka thënë 34-vjeçares me ton urdhërues “do të bëhesh e dashura ime”.
Vajza ka veshur rrobat nga frika, ka marrë çantën dhe është kthyer në stacion, ku një i ri po priste autobusin, por nuk i ka kërkuar ndihmë pasi ishte turpëruar, siç tha në polici.
Përdhunuesi e ndoqi dhe pati guximin të shkonte tek ajo dhe t’i kërkonte numrin e celularit. Vajza ka refuzuar dhe më pas autori e ka kërcënuar se do ta vriste nëse e tregonte në polici.
Kur ishte mjaft larg, 34-vjeçarja thirri “Ndihmën e Menjëhershme” dhe raportoi përdhunimin. Më pas ka kaluar pragun e Departamentit të Sigurimit të P. Faliros dhe ka bërë padi.
Në polici ajo ka përshkruar karakteristikat e autorit, i cili fliste mirë greqisht, ishte flokëshkurtër, trupmadh, rreth 1.70 i gjatë. Në fotografitë e treguara ndaj saj, viktima nuk e njohu përdhunuesin e saj.
