Enkelejd Alibeaj ka bërë të ditur emrat e dy propozimeve të grupit që ai kryeson në PD, për emrin e avokatit të popullit.
Ledio Braho dhe Dorian Gjomarkaj janë dy emrat që nxorri Alibeaj, për këtë pozicion, të cilët sipas tij, janë mjaft të denjë për atë detyrë.
Alibeaj theksoi se dy emrat e propozuar janë vlerësuar falë aftësive profesionale të tyre, pastërtisë së figurës, dhe faktit se nuk kanë asnjë lidhje me periudhën komuniste.
Në grupin e PD u zhvilluan disa raunde analize e votimi dhe si përfundim rezultoi se preferenca e grupit të PD është zoti Ledio Braho.
“Në një përzgjedhje të pozicionit të avokatit të popullit kemi pasur edhe një lloj sqime që përmes pozicionit tonë të japim sinjale të forta për mënyrën se si duhet të zgjidhejn drjetuesit e institucioneve më të larta.
Një nga aftësitë që ne vlerësuam ishte pastërtia e figurës, por edhe aftësinë profesionale. Kemi vendosur që emrat të mos kenë lidhje me sigurimin e shtetit dhe periudhën komuniste. Të mos kenë as më të voglën hije dyshimi lidhje me të shkuarën. Në përzgjedhjen tonë i kemi qëndruar edhe kriterit të luajalitetit politik.
Njerëzit që kemi analizuar dhe shqyrtuar dokumentacionin, i kemi parë edhe luajalitetin politik.
Grupi i PD arriti në mënyrë unanime që të fokusohet në dy emra: Ledio Braho dhe Dorian Gjomarkaj.
Në grupin e PD zhvilluam disa raunde analize dhe votimi. Në përfundim të këtij mekanizmi ju deklaroj se preferenca e grupit të PD është zoti Ledio Braho.”, deklaroi Alibeaj.
