Kryeministri i Kosovës Albin Kurti, ka pritur në zyrë një delegacion nga Shqipëria. Në zyrën e tij kanë qenë deputetët socialist Pandeli Majko dhe Gerta Duraku, si dhe kryebashkiaku e prefekti i Kukësit, Safet Gjici e Ali Hallaçi.
“Kryeministri i Republikës së Kosovës, Albin Kurti, mirëpriti në zyrën e tij një delegacion nga Republika e Shqipërisë, të përbërë nga dy deputetë të Kuvendit të Shqipërisë, Pandeli Majko dhe Gerta Duraku, Prefekti i Kukësit, Ali Hallaçi dhe Kryetari i Bashkisë së Kukësit, Safet Gjici.
Në takim u diskutua për mënyrat dhe mundësitë e shtimit të bashkëpunimit të ndërsjellë në nivel qendror dhe projekteve të përbashkëta në atë lokal. Qarku i Kukësit ka vlerë të veçantë për marrëdhëniet ndërmjet Kosovës dhe Shqipërisë, u tha në takim. Me këtë rast Kryeministri Kurti u ftua që ta vizitojë Kukësin.
Ai shtoi se duam të ecim në rrugën e bashkëpunimit ndërmjet dy vendeve tona, me theks te lehtësimi i lëvizjes së banorëve të brezit kufitar”, thuhet në njoftimin e shpërndarë nga Qeveria e Kosovës, për takimin e zhvilluar sot.
