Vdekja e Lear Kurtit në duart e efektivëve të patrullës së Komisariatit Nr.3 që do e shoqëronin në komisariat vijon të mbetet një temë e nxehtë, me Policinë e Shtetit që po vendoset përpara përgjegjësisë për një tjetër jetë të humbur si pasojë e dhunës dhe neglizhencës së tyre.
Lidhur me mënyrën si po e trajtojnë institucionet ngjarjen duke bërë ping-pong deklaratash mbi të vërtetën e ndarjes nga jeta të një 32-vjeçari ka reaguar sërish deputeti i Partisë së Lirisë, Petrit Vasili.
Me anë të një postimi në Facebook, Vasili ka kërkuar dorëheqjen e ministrit të Brendshëm Bledi Çuçi dhe heq një paralele midis vrasjes së Klodian Rashës, tragjedisë së Jonada Avdias në Potam dhe rastit të Learit.
POSTIMI I VASILIT:
Ministri Çuçi te largohet menjëherë!
Edhe sa jete te tjera duhet te marre policia, qe ta kuptoje ky ministër këtë!
Çdo minute qe Ministri Çuçi rri akoma, edhe nje sekonde te vetme, ne atë karrige është rivrasje e qytetareve, mbështetje dhe inkurajim qe policia te vazhdoje te vrase dhe te mashtroje e manipuloje provat e faktet kundër njerëzve te ndershëm.
Kur vranë Klodian Rashën thanë në fillim që ishte me probleme mendore. Pastaj që kishte pistoletë. Pastaj nuk kishte pistoletë. Pastaj as probleme mendore. Por video asgjësuese provoi krimin dhe mashtrimin absolut
Por fakti absolut i provuar është që e vrau policia.
Çuçi vetëm mohoi dhe mbështeti mashtrimet e policisë.
Vajza e vogël 7 vjeçare Jonada Avdia humbi jetën ne plazh ne Himare se një polic e vrau me skaf dhe gjithçka sa ndodhi ishte tragjike dhe reagimi e informacioni ishin për turp.
Dhe Çuçi rri aty qetësisht sikur s’ka ndodhur asgjë.
E tmerrshme gjithçka ndodhi me Lear Kurtin.
Një here thonë se ishte me makinë, pastaj thonë ndaloi e pastaj iku me vrap. Pastaj s’kishte makinë. Po thonë që u ndje keq në Komisariat Laert Kurti, pastaj që nuk arriti në Komisariat. Pastaj thonë vdiq ne spital dhe pastaj spitali thotë se i shkreti djalë erdhi pa jete në spital.
Një tjetër jete u mor nga policia dhe u përdhos me mashtrime pa fund.
Prangat ne duart e trupit pa jete te Lear Kurtit ne një shtrat spirali janë akuze pa shfajësim.
Përsëri Çuçi ishte ne anën e policisë, qe vrau dhe mashtroi dhe jo ne anën e qytetareve
Edhe sa jete njerëzish duhen marre nga policia qe Çuçi te largohet nga karrigia, qe pikon gjak.
Turp e faqe e zeze!
Mbushur policia me patronazhistë qe te frymëzuar nga arroganca e Edi Rames sillen si kriminele dhe armiq te qytetareve.
Largohu Ministër ik sa me pare, vrasjet janë dëshmi, denoncim dhe mallkim, qe nuk harrohen kurrë.
Ministër sillu një here te vetme si qytetar dhe prind dhe jo si legen, qe i zvarritet dhe i jargavitet karriges dhe kryeministrit.
Ministër Çuçi jeta është shume me e gjate se karrigia dhe kryeministri bashke.
