Policia ka arrestuar këtë të hënë një 52-vjeçar pasi transportonte kundrejt fitimit, 5 emigrantë, me qëllim kalimin e paligjshëm të kufirit.
Blutë bëjnë me dije se në pranga ka rënë shteatsi i identifikuar si P. V., banues në Tiranë.
“Seksioni për Hetimin e Trafiqeve të Paligjshme të DVP Gjirokastër, në bashkëpunim me Komisariatin e Policisë Tepelenë dhe Forcën e Posaçme “Shqiponja”, në vijim të punës për goditjen e aktivitetit kriminal të dhënies ndihmë shtetasve të huaj, kundrejt fitimit, për kalim të paligjshëm të kufirit, mbështetur me inteligjencë informative, kanë finalizuar operacionin policor të koduar “Road Guard 46”, si rezultat i të cilit u bë arrestimi në flagrancë i shtetasit: P. V., 52 vjeç, banues në Tiranë P. V., 52 vjeç, banues në Tiranë, pasi u kap nga shërbimet e Policisë, në aksin nacional “Tepelenë-Memaliaj”, duke transportuar me automjetin e tij, kundrejt fitimit, 5 emigrantë nga vendet MENA, me qëllim kalimin e paligjshëm të kufirit”, njofton policia.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme
