Kryetari i Partisë Demokratike, Sali Berisha ka përshëndetur vendimin e Presidentit të Këshillit Europian, Charles Miche lpër të mbajtur Samitin e Bashkimit Europian në Tiranë, më 6 dhjetor.
Gjatë një deklarate për mediat, Berisha shkruan se vendim është një afirmim i ri i BE ndaj perspektivës europiane të Shqipërisë dhe të gjitha vendeve të tjera të rajonit dhe shënon fundin e aleancës përçarëse trilaterale Beograd-Tiranë- Shkup, në kuadrin e projektit serbo-rus të Ballkanit të Hapur.
Gjithashtu Partia Demokratike gjatë bën me dije se kjo do të jetë një mundësi reali që shtetarët e BE-së do të njohin nga afër situatën dramatike dhe korrupsionin galopant në Shqipëri.
DEKLARATË E PARTISË DEMOKRATIKE TË SHQIPËRISË:
“PD përshëndet mbajtjen e Samitit të BE në Tiranë.
Partia Demokratike e Shqipërisë përshëndet vendimin e Presidentit të Bashkimit Europian për mbajtjen në Tiranë të Samitit të përbashkët të vendeve anëtare të BE-së me 6 vendet e Ballkanit Perëndimor në fillim të dhjetorit që vjen.
Ky vendim është një afirmim i ri i Bashkimit Europian ndaj perspektivës europiane të Shqipërisë dhe të gjitha vendeve të tjera të rajonit. Vendimi gjithashtu provon rëndësinë e madhe të Procesit të Berlinit për Shqipërinë e rajonin, dhe shënon fundin e aleancës përçarëse trilaterale Beograd-Tiranë- Shkup, në kuadrin e projektit serbo-rus të Ballkanit të Hapur.
Samiti do të jetë një mundësi reale për shtetarët e BE-së, për të njohur nga afer situatën dramatike të korrupsionit galopant, lidhjeve të tmerrshme të qeveritarëve me krimin e organizuar dhe drogën, gjendjen tejet të rëndë të mediave në Shqipëri”
