Alexandra Elena Mocanu është gjendur e vdekur dhe e mbështjellë me batanije në dhomën e saj të gjumit nga policia në Bolzano. Autor i ngjarjes mendohet të jetë bashkëshorti i saj shqiptar Avni Mecje, i cili aktualisht ndodhet në arrati.
Zbulimi i trupit të pajetë të 35-vjeçares rumune është bërë të dielën pasdite, por në ekspertizën paraprake dyshohet se ajo mund të ketë vdekur të shtunën, raportojnë mediat italiane.
Pasi vëllai i shqiptarit të dyshuar si autori i krimit dha alarmin, zjarrfikësit dhe autoritetet hapën derën e banesës dhe bënë zbulimin tronditës.
