Një fitore në sekondën e fundit. Tirana e basketbollit të meshkujve triumfoi ndaj Teutës në një ndeshje emocionuese deri në fund.
Në takimin e luajtur në “Farie Hoti”, bardheblutë e nisën ndeshjen mirë dhe u shkëputën me një diferencë prej 10 pikësh. Edhe në Periodën e dytë, skuadra e Erand Karajt e mbajti avantazhin, ndërsa durrsakët reaguan pas pushimit që vendosën ekuilibrat në parket.
Me kryeqytetasit debutoi dhe Jakobi Aman Bonner, i cili ishte u shpall dhe lojtari i ndeshjes. Megjithatë, emocionet më të mëdha ishin në fund të sfidës kur një 3-pikësh i Mired Janit pas pushimit të marrë nga trajneri Erkand Karaj i solli një fitore spektakolare Tiranës, duke ngritur peshë publikun që kishte mbushur shtëpinë e Tiranës.
Kaq mjaftoi që Tirana të fitonte me rezultatin final 72-69 dhe këtë sezon të jetë pretendente serioze për të fituar titullin kampion.
