Deputeti i Partisë Demokratike, Gazment Bardhi tha në “Now me Erla Mëhillin” se ka një përçarja të PD-së nga baza deri në qendër.
Sipas tij nëse konflikti do të ishte mes individëve në qendër situata nuk do të ishte kaq problematike.
Deputeti sqaroi se grupimet brenda partisë nuk janë asgjë e re, por konflikti i thellë tashmë ka dalë në sipërfaqe.
“Ajo që ne po përpiqemi të bëjmë me këtë proces është që pa u asimiluar askush dhe pa u tërhequr askush nga asgjë të kemi mundësi të ndërtojmë ura bashkëpunimi mes demokratëve për të fituar zgjedhjet lokale,” – u shpreh Bardhi.
Ai shtoi se do të mbante përgjegjësi për çdo gjë që ishte në kompetencat e tij, por për t’u bashkuar Partia Demokratike duhet vullneti i dy palëve.
