Steve Bannon, krahu i djathtë i ish-presidentit Donald Trump është dënuar me 4 muaj burg pasi refuzoi të bashkëpunojë me komitetin i cili heton sulmet e 6 janarit 2021. Ai u gjobit edhe me 65 mijë dollar.
Me mbërritjen në gjykatën federale në Uashington, Bannon u prit nga protestuesit që bërtisnin “Tradhtar. Fashist!”
Supozohet se ekipi i tij ligjor do të apelojë dënimin, i cili do të vendosë pezullimin e dënimit me burg.
Bannon u dënua për dy akuza për mosrespektim të Kongresit: një për refuzimin e dhënies së një dëshmie dhe për refuzimin e dhënies së dokumenteve.
Tanimë radhën për të dëshmuar e ka ish-presidenti Trump.
Komisioni i Dhomës së Përfaqësuesve i ka kërkuar manjatit që në 4 nëntor të dorëzojë dokumente dhe të dëshmojë para tij.
Ndërsa Trump duhet të paraqitet për të dëshmuar rreth datës 14 nëntor.
Nëse ish-presidenti nuk respekton kërkesën e komisionit, ndaj tij mund të ngrihen akuza penale.
