Një 54-vjeçare është arrestuar nga policia pasi ka transportuar 3 emigrantë të paligjshëm.
Uniformat blu bëjnë me dije se në pranga ka rënë shtetsja e identifikuar si F. O., banuese në Finiq.
Po ashtu bëhët me dije se janq sekuestruar 1 automjet, 1 aparat celular dhe një shumë parash.
“Në vendin e quajtur “Ura e Kardhiqit”, shërbimet e Policisë i kanë bërë shenjë ndalimi automjetit tip “Mercedes Benz”, me drejtuese shtetasen F. O., e cila nuk i është bindur urdhrit të punonjësve të Policisë, por është larguar me shpejtësi. Pas ndjekjes dhe ndalimit të automjetit nga shërbimet e Policisë, rezultoi se shtetasja F. O. ishte duke transportuar me automjetin tip “Mercedes Benz”, 3 emigrantë të paligjshëm nga vendet MENA, kundrejt fitimit”, njofton policia.
Materialet i kaluan Prokurorisë pranë Gjykatës së Shkallës së Parë Gjirokastër, për veprime të mëtejshme.
