Është mbyllur java e 4-t e Superligës në volejboll për meshkuj. Partizani vijon të komandojë renditjen, me 12 pikë të plota, duke fituar edhe sot, 3-1 ndaj Studentit në derbin kryeqytetas luajtur në “Asllan Rusi”.
Partizani fitoi 25-16 setin e parë, por në të dytin Studenti replikon, duke fituar 26-24. Gjithsesi, të kuqtë mbyllin shpejt llogaritë, duke fituar 25-11 e 25-18 dy setet e tjera dhe krejt ndeshjen 3-1, duke marrë tri pikët e radhës.
Po 3-1 triumfon edhe Erzeni, që mundi Vllazninë në Shkodër. Vendasit e nisin më mirë ndeshjen, duke fituar 25-22, por më pas vjen përmbysja e ekipit shijakas. Erzeni fiton 25-19, 25-15 e 25-24 tri setet e tjera, duke ruajtur vendin e dytë.
Në zonën play off qëndron Skënderbeu, që fitoi 3-1 ndaj Teutës në Korcë. Dy setet e para janë më të bukura, fituar i pari nga vendasit 25-20 dhe më pas durrsakët fitojnë të dytin, 25-21. Në dy setet e tjera, në fushë komandon Skënderbeu, që fiton 25-19 e 25-18.
Fitore të lehtë arrin Tirana, që mundi 3-0 Elbasanin në shtëpinë e këtij të fundit. Ndeshje në sens unik, e komanduar nga bardheblutë, që patën epërsi në të trija setet, duke i fituar me diferenca pikësh: 25-22, 25-14, 25-17.
Superliga-Meshkuj, java e 4-t
Vllaznia – Erzeni, 1-3
Skënderbeu – Teuta, 3-1
Studenti – Partizani, 1-3
Elbasani – Tirana, 0-3
Renditja: Partizani 12 pikë, Erzeni 11 pikë, Tirana 9 pikë, Skënderbeu 7 pikë, Studenti 4 pikë, Vllaznia 3 pikë, Teuta 2 pikë, Elbasani 0 pikë.
