Një shumë e përllogaritur në rreth 500 mijë euro është sekuestruar nga policia në Portin e Durrësit.
Gjatë operacionit të kryer nga Policia dhe Drejtoria e Doganave mësohet se paratë janë gjetur të fshehura në tavanin e një autobusi që vinte nga Bari, në pjesën e kondicionerit.
Paratë u zbuluan nga skaneri. Autobusi aktualisht mbahet i bllokuar në pikën e dytë të kontrollit nga policia e Durrësit, ndërsa është arrestuar shoferi, i identifikuar si Elidin Çela.
Policia ka ndaluar drejtuesin e mjetit dhe po zhvillon kontrolle në banesa për të zbuluar çfarë fshihet pas parave, që janë duke u numëruar për të zbuluar edhe shifrën e saktë.
