Reperi i njohur shqiptar, Stresi ka zbuluar se ai dhe Laer Kurti, 32-vjeçari që ndërroi jetë në Komisariatin nr.3 në Tiranë, njiheshin prej 15 vitesh, madje i ndjeri ka qenë përkrah tij kur reperi nisi karrierën e tij muzikore.
Stresi shkruan se kjo që që i ndodhi mikut të tij është e papranueshme, por do vijë një ditë që të rinjtë shqiptarë nuk do durojnë më dhe do ketë një fund të keq. Ai shtron se Ardi Veliu nuk meriton të veshë uniformën blu.
Reperi shkruan gjithashtu se Laeri merrte pjesë në protesta kundër padrejtësisë, por ishte një padrejtësi ajo që i mori jetën.
“Të falenderoj për ato momente që kemi kaluar bashkë. Ishe shok besnik dhe shumë rob zoti. Padrejtësia do ekzistojë për shumë kohë në Shqipëri, pabesia, skllavërimi e shumë gjëra të tjera noku… zoti na sprovon në çdo lloj mënyre, mirëpo dhimbjet janë të shumta.
Policia nuk janë të gjithë njësoj, ka dhe të mirë, por kjo që të ndodhi ty është e papranueshme sepse ja kanë marrë dorën me neve djemtë e ri, por do vijë një ditë që s’do durojmë më dhe do jetë fundi më i keq i tyre që kanë parë ndonjëherë shqiptarët.
Sa të jetë Ardi Veliu në polici, e kam thënë prej vitesh dhe do e them që ai njeri s’duhet të veshë uniformë blu, por fjain e ka tjetërkush!!!
Të dy kemi pas dalë në protesta dikur dhe ti ishe kundër padrejtësisë dhe sot ike nga kjo jetë nga padrejtësia.
Lar, qofshë pranë Zotit, lamtumirë e të fala vëllezërve atje lart”– shkruan Stresi.
