Personi që shihni në foto është 34-vjeçari Indrit Ndoj, i cili u gjet i pajetë në një kanal në zonën e Fushë Krujës.
I riu, i cili ka qenë i arrestuar një vit më parë për trafik të paligjshëm të emigrantëve nga vendet e Lindjes, u gjet me një plagë në këmbë, e shkaktuar nga një armë zjarri.
Trupi i tij i pajetë është gjetur në kanal nga familjarët, teksa këta të fundit kishin dalë për të shkuar në punë.
Mësohet se 34-vjeçari dhe familja e tij nuk raportohet të kenë pasur konflikte me njeri. I riu jetonte vetëm në një shtëpi në fshatin Hasan, ndërsa familja në një banesë në lagjen “Bakushe Visha”.
