Një 20-vjeçar shqiptar ka humbur jetën tragjikisht ditën e djeshme në Greqi.
Mediat vendase bëjnë me dije se viktima është Klajdi Kraja. Ai ishte duke udhëtuar me motor në momentin kur u përplas me dy makina në autostradën e vjetër kombëtare, Patras – Pirgos.
Fillimisht Kraja është përplasur me një fuoristradë, e cila ka kaluar në drejtim të kundërt të trafikut dhe më pas është përplasur me një mjet të dytë.
Përplasja rezultoi fatale për të riun shqiptar, i cili ndërroi jetë në vend. Të plagosur mbetën edhe dy persona që udhëtonin me makinat.
Policia e Patrës po kryen hetimet për zbardhjen e plotë të rrethanave të ngjarjes.
