32-vjeçari Lear Kurti humbi jetën mbrëmjen e së mërkurës pasi u shoqërua në Komisariatin nr 3 në Tiranë.
Tashmë kanë dalë edhe përgjigjet e mjekësisë ligjore dhe burime nga grupi hetimor bëjnë me dije se në këto analiza është vërtetuar se substanca e gjetur ishte e llojit kokainë.
I riu kishte arritur pak para se të kapej nga efektivët, të gëlltiste dy qese të vogla me një sasi kokaine brenda saj. Qeset janë të përmasave 5×5, të ngjashme me ato qeset që përdoren në farmaci për medikamentet. Sipas burimeve këto qese ishin të pakten 3 ose 4 doza kokaine.
Sipas ekspertizës, shkak i vdekjes të Kurtit është arrest kardiak i shkaktuar nga overdoza.
