Policia e Durrësit ka arrestuar këtë të Premte, 3 persona për vepra të ndryshme penale.
Blutë njoftojnë se kanë arrestuar shtetasin Y. K., 42 vjeç, banues në Fier, i kërkuar për veprën penale “Vjedhja duke shpërdoruar detyrën”.
Këtij shtetas Gjykata e Tiranës i kishte caktuar masën e sigurisë “Arrest në burg”.
Po nga këto struktura u arrestua për veprën penale “Dhuna në familje”, shtetasi A. N., 40 vjeç, banues në Durrës, pasi ka ushtruar dhunë ndaj bashkëshortes së tij.
Specialistët e Qarkullimit Rrugor arrestuan në flagrancë shtetasin J. K., banues në Rrushkull, Durrës, pasi është kapur nga shërbimet e Policisë, duke drejtuar automjetin, pa leje drejtimi.
Materialet për rastet e mësipërme i kaluan Prokurorisë, për veprime të mëtejshme.
