Është mbyllur protesta kombëtare e thirrur nga Sindikata e Pedagogëve.
Pedagogët kanë paralajmëruar qeverinë se bojkoti do të vazhdojë ditët në vijim deri sa të plotësohen kërkesat e tyre, ndër tyre edhe më e rëndësishmja rritja e pagave në të njëjtin nivel me vendet e tjera të rajonit.
Sindikata e Pedagogëve ka bërë thirrje që protestës përpara godinës se Korpusit Qendror të Universitetit Politeknik t’i bashkohen pedagogë dhe studentë nga i gjithë vendi, ku do të kërkojnë plotësimin e kërkesave të tyre, që i janë paraqitur përmes një kërkese më 30 gusht, kryeministrit dhe ministres së Arsimit.
Kërkesat e pedagogëve
-Rritja e pagave për pedagogët dhe stafin ndihmës
-Rritja e financimit për kërkimin shkencor
-Rivendosja e shtesave mbi pagë për ‘dëm shëndeti në punë’
-Rritja e shtesës mbi pagën për vjetërsinë në punë
-Rritja e pagesës së orëve të ngarkesës suplementare
-Rivlerësimi i orës mësimore pasi ka zbritje prej 50% të pagesës së orës mësimore si rezultat i mosfierencimit të orës mësimore të leksionit.
-Rishikimin e tatimit prej 23% mbi pagesën e ngarkesës suplementare
-Të pezullohet deri më 2026 zbatimi i pikës c) të paragrafit të 3, i kreut III të VKM Nr.112, datë 23.2.2018 për kriteret e marrjes së titullit “Profesor”.
-Të bëhet transparencë mbi buxhetin dhe të ardhurat e universitetet publike.
