Kamerat në Kuvend kanë fiksuar një moment kur deputeti i Partisë së Lirisë, Petrit Vasili i tregon diçka nga telefoni i tij kryetarit të Partisë Demokratike, Sali Berisha.
Është e paqartë se çfarë e shtyu Vasilin t’i afrohej Berishës dhe të deputetëve që qëndrojnë pranë tij, Luan Baçi dhe Tritan Shehu, por duket se ajo që pa në telefonin e aleatit nga PL e ka bërë të qeshë kreun e selisë blu.
Berishën që qesh në të tillë mënyrë në Kuvend rrallë e shohim, pasi ai kryesisht prin betejën kundër qeverisë së kryeministrit Edi Rama dhe është i përqendruar te opozitarizmi.
