Kryetari i Partisë së Lirisë, Ilir Meta ka reaguar në lidhje me protestën e pedagogëve, duke thënë se zëri i tyre duhet të dëgjohet me përulësi. Me anë të një reagimi në rrjetet sociale, Meta shprehet se është e papranueshme arroganca e qeverisë.
“Zëri i pedagogëve duhet dëgjuar me shumë përulësi. Kërkesat e tyre për paga dinjitoze sa të kolegëve në Kosovë janë të drejta dhe plotësisht të realizueshme. Arroganca dhe shurdhëria e Qeverisë është e papranueshme. Dëgjoni krahasimin e sjellë me dhembje nga Prof.Asc.Dr. i Shkencave të Matematikës i specializuar në Universitetet më të mira të botës, ish-Ambasadorin e shkëlqyer të Shqipërisë në Slloveni, Sandër Kovaçi për të kuptuar revoltën e pedagogëve në mbarë vendin. Solidaritet dhe mbështetje për të dhe të gjithë pedagogët në protestë deri në plotësimin e kërkesave! Mjaft denigrimit neokomunist të individëve për të mbuluar faktet që ulërasin fort për gjendjen e mjeruar të universiteteve”, shkruan Meta.
Ish-kreu i shtetit publikon dhe një deklaratë të kreut të sindikatës së pedagogëve, i cili flet për pagesat e akademikëve.
